نظام عملي يحوّل ردّك من تلقائي إلى واعي
هذه الدورة مو عن “شنو صار بينكم” هذه عن شلون تتصرفون لما يصير. إذا نفس الخلاف يتكرر بأشكال مختلفة فالمشكلة غالباً مو في الحدث، المشكلة في الفورمات
- ١٠٥٠ رائد أعمال
- المدة: ٥٩ دقيقة
- الدروس:١٥ درس
- التقييمات: ٤٫٤
٤٥ د.ك
٥٩ د.ك
(وفّر ٢٣٪)
ماذا ستحصل عند الإشتراك؟
فيديوهات مسجلة وجاهزة بإنتظارك في تطبيق تنمية.
شهادة إتمام.
إمكانية التعلّم في أي وقت ومكان.
محاور الدورة:
- ليش نعيد نفس ردود أفعالنا بكل خلاف ؟
- منو أكثر تثبيتا للعلاقة الحب أو الأمان ؟
- هل الشك يحمي علاقتك ولا يدمرها ؟
- هل وضع الحدود يحمي العلاقة؟ وشلون ؟
- الخلاف مو مشكله!! المشكلة شلون تتعامل وقتها؟
- شلون تفرق بين الاحتياج و التعلق ؟
- هل تعيش مع الشريك ولا مع صورته الذهنية عندك ؟؟
- شلون تكون فعلا واعي في العلاقة وتصلحها؟
٤٥ د.ك
٥٩ د.ك
(وفّر ٢٣٪)
مقدّم الدورات
أنا عامر الشواف استشاري علاقات زوجية، وخلال عملي ساعدت أكثر من 1800 شخص يغيرون طريقة فهمهم وتواصلهم داخل الزواج ويعدّلون مسار علاقتهم بشكل ملموس، وبعد هالتجارب قررت أصمّم دورة ” فورمات العلاقة ” وأجمع فيها أهم الأدوات الفعالة اللي استخدمتها فعليا في الاستشارات.
إذا تبي نتايج أفضل في حياتك الزوجية… فاستعد.
٤٥ د.ك
٥٩ د.ك
(وفّر ٢٣٪)
شاهد درس مجاني
ش/ من الكويت
بالنسبة لفك التعلق الحمد لله بعد تطبيق التمرين بديت أفرق بين التعلق وعدم التعلق وما شاء الله عرفت شلون أسيطر على أفكاري و أفعالي اللي تدل على التعلق.
م / من الكويت
استاذ عامر للأمانة كل الأبواب كانت مغلقة وكانت علاقتي بالزواج متدمرة ولكن المعجزات بدت وأنا الحمد لله بديت أتواصل مع زوجي وعشنا الاستقرار والحوار المريح. أشكرك وربي يوفقك دايما.
غ / من قطر
أنا مصدومة من نفسي أني ما قمت أطلب من زوجي بصراخ حتى هو منصدم ، الحمد لله الحوار بدء يصير هادي واثنينه ارتحنا. مشكوووور وايد على هالمعلومات العجيبة.
حسيت مهاراتي صارت أفضل وأكثر قدرة على التعامل مع المواقف ما توقعت بحصل التغير من دورة اونلاين.
قدرت الصراحة أضبط أعصابي وما أتصرف من كيفي بدون حكمة وقمت أركز على زوجي عشان اختار ردة فعل مناسبة تحمي العلاقة.
أحلى نتيجة ان زوجتي تغيرت معاي ١٨٠ درجة وما توقعت التغيير راح يكون جذيه. شكرا لك أستاذ وأتمنى ولازم الناس تستفيد من اللي تقدمه.
راح اختصر التحول اللي صار بحياتنا ( قمت أحس بكيمياء بينا ) شكرا لك من القلب والله يوفقك.
٤٥ د.ك
٥٩ د.ك
(وفّر ٢٣٪)
لمن الدورة؟
الأزواج اللي مر على زواجهم سنة أو أكثر اللي يلاحظون إن نفس الخلاف يتكرر مهما تغير الموضوع.
الأزواج اللي يصير بينهم وقت الضغط : صراخ / صمت / انسحاب / تهديد بالطلاق وبعدين ندم.
الأزواج اللي بينهم برود أو طلاق عاطفي : عايشين بنفس البيت بس بدون أمان أو قرب.
الأزواج اللي عندهم سوء فهم وتواصل ( كل واحد يسمع الثاني كتحدي مو كحل للخلاف ).
الأزواج اللي تضرروا من تدخل الأهل / الغيرة / الشك / المقارنات وصار التوتر أسلوب يومي.
الأزواج اللي يبون أدوات عملية تهدي الجهاز العصبي وتوقف التصعيد وتبني حوار واحترام.
أسئلة شائعة
شنو اللي يميز دورة « فورمات العلاقة » عن أي محتوى علاقات ثاني؟
أغلب المحتويات تشرح “ شنو الصح ” في الزواج، لكن وقت الضغط يرجع الواحد لنفس ردّة الفعل. هالدورة تركّز على تغيير الفورمات نفسه: المحفز > تفسير داخلي > شعور > ردّة فعل > نتيجة > استنتاج، وتعلّمك أدوات تهدئة وتواصل تطبّقها وقت الخلاف الحقيقي.
حق منو هالدورة بالضبط؟
للمقبلين على زواج و للمتزوجين (خصوصاً اللي مرّ على زواجهم سنة أو أكثر) واللي يتكرر بينهم نفس الخلاف بأشكال مختلفة: صراخ/صمت/انسحاب/تهديد، ويبون أسلوب عملي يوقف التصعيد ويبني الأمان.
هل تنفع إذا إحنا نحب بعض بس نتعب من الخلاف؟
نعم، لأن المشكلة غالباً مو نقص حب، المشكلة نقص “نظام” وقت التوتر. الدورة تعطيك خطوات واضحة توقف التصعيد وتخليك ترد بوعي بدل ردّة فعل.
هل الدورة تناسب إذا علاقتنا فيها برود أو طلاق عاطفي؟
تناسب، لأن البرود غالباً نتيجة تكرار خلافات بلا إصلاح. بتتعلمون أدوات إعادة بناء التواصل والإصلاح بعد كل خلاف بدل تراكم الصمت والمسافة.
هل الدورة بديلة عن الاستشارة؟
الدورة تعطيك أدوات قوية وعملية للتطبيق الذاتي. أما إذا عندكم ملفات معقدة (خيانة/عنف/قرارات انفصال/نزاعات قضائية أو تدخلات كبيرة). فالاستشارة تكون أنسب لتخصيص الخطة حسب حالتكم.
شنو أستفيد بشكل مباشر بعد الدورة؟
راح تعرف شنو يضغطك فعلياً، وتفهم تفسيرك الداخلي اللي يشغل المشكلة، وتتعلّم تهدئة الجهاز العصبي قبل الرد، وجمل جاهزة توقف التصعيد، وخطة تطبيق تساعدك تثبّت سلوك جديد.
كم مدة الدورة؟ وهل هي عملية ولا كلام نظري؟
الدورة قصيرة ومركّزة ومدتها ( ساعة وربع )، ومبنية على تطبيق. فيها خطوات وتمارين تساعدك تطبّق على خلافاتكم الواقعية مو كلام عام.
هل لازم شريكي يشترك معاي عشان أستفيد؟
الأفضل يكون الاشتراك للاثنين عشان يكون التغيير أسرع، لكن حتى لو اشتركت بروحك راح تلاحظ فرق كبير لأن تغيير “ردّة فعلك” يغيّر مجرى الخلاف بالكامل.
إذا إحنا على حافة الطلاق تنفع ولا متأخر؟
إذا في مساحة بسيطة للحوار، الدورة تساعدكم توقفون النزيف وتقيّمون قراركم بوعي. لكن إذا في عنف أو تهديد مستمر أو قطيعة كاملة، الأفضل تبدأون بمساعدة متخصصة بشكل مباشر.
شلون أعرف إن هالدورة مناسبة لي؟
إذا تقول: “ نحب بعض بس نتأذى ”، أو “ كل مرة نفس المشكلة ترجع ”، أو “ وقت الخلاف أفقد السيطرة/أنسحب/أهدد ” فهالدورة لك.
مدعوم من
